主页 > B省生活 > 三千蚊顶级配置有冇伏?小米5s Plus蛇叔试后报告 >

三千蚊顶级配置有冇伏?小米5s Plus蛇叔试后报告

时间:2020-06-14 编辑:

三千蚊顶级配置有冇伏?小米5s Plus蛇叔试后报告

依家Android手机最强配置係乜?唔使问梗係Snapdragon 821处理器同6GB RAM,不过如果你以为咁嘅配置一定要五六千蚊就错喇!因为小米喺香港新出嗰部小米5s Plus有齐上述配置,再加128GB ROM都係卖紧$2,999,想知部机用落有冇伏就睇吓蛇叔试完点讲。

性价比有几强?
想知小米5s Plus性价比有几劲其实唔难!因为市面Snapdragon 820/821+6GB RAM嘅机种实在唔多,唔计大陆水货机,其实只有Asus Zenfone 3 Deluxe「尊爵限量版」条件最接近,但小米5s Plus只售$2,999,而Asus就卖$5,999。即使佢少人哋128GB ROM,但价钱平成一半,我谂讲到呢度都唔洗嘥口水。

三千蚊顶级配置有冇伏?小米5s Plus蛇叔试后报告

双镜头有乜用?

今年唔少手机包括HuaweiP9同LG V20都用咗双镜头设计,而小米5s Plus嘅双镜头概念比较偏向Huawei, 一边係彩色,另一边係黑白,而且仲可以用哂两组镜头一齐拍摄,将彩色同黑白照叠埋嚟增强层次 (双摄模式)。听落係好似好劲,但个人觉得实际黑白相对比唔够,冇晒嗰种黑白复古味;双摄相片感觉係更sharp,有少少似开HDR,不过10MB一张相同埋要save好耐。

三千蚊顶级配置有冇伏?小米5s Plus蛇叔试后报告

三千蚊顶级配置有冇伏?小米5s Plus蛇叔试后报告
◆ 自动模式:曝光白平衡都正常,但细节比较弱。三千蚊顶级配置有冇伏?小米5s Plus蛇叔试后报告
◆ 双摄模式:用咗双摄细节会Sharp咗,后面招牌啲字都实啲,同埋天会灰咗。三千蚊顶级配置有冇伏?小米5s Plus蛇叔试后报告
◆ Mono模式:黑白对比感觉唔够强,感觉似纯粹Tune黑白咁。

相机质素如何?

如果用旗舰标準嚟评价小米5s Plus,我敢讲佢个主镜头表现都几差。对焦反应係唔算慢,但相片细节流失颇为严重,就算日景都有油画情况,夜景自然更严重,总括嚟讲似乎只有中价机级数。

三千蚊顶级配置有冇伏?小米5s Plus蛇叔试后报告
◆ 日景:MegaBox墙身线条被油画。(ISO200, F2.2, 1/123s, 焦点MEGABOX)三千蚊顶级配置有冇伏?小米5s Plus蛇叔试后报告
◆ 夜景:电梯同告示板都唔太清晰,杂讯亦较明显。(ISO2500, F2.2, 1/12s, 焦点左边电梯旁)

会唔会好快冇电?

今年好多用Snapdragon 820嘅手机续航力都麻麻哋,加上小米出名讲求效能,所以起初对佢续航力唔太乐观。不过试用嚟打机几日之后,发现佢平均大约都够玩9个钟左右,时间贴近其他旗舰手机。

三千蚊顶级配置有冇伏?小米5s Plus蛇叔试后报告

三千蚊顶级配置有冇伏?小米5s Plus蛇叔试后报告

【网友提问】听歌会唔会好细声?
先唔讲音质好唔好,过往小米手机3.5mm嘅推力算係Android手机中上水平,不过唔试由自可,一试就发现小米5s Plus推力的确比其他型号弱,莫讲话我对Bose QC35头戴耳机,就连插Apple对Earpods听Moov,开尽亦不过仅仅够声。

三千蚊顶级配置有冇伏?小米5s Plus蛇叔试后报告

【总结】蛇叔:「坚抵!但性能以外唔好期望太多」
小米近年嘅港行高阶机都唔太受欢迎,除咗太迟先出,更重要係次次都冇高配版拣。不过小米5s Plus今次提早咗,仲有埋高配版,讲真斋买规格当Android游戏机係冇咩挑剔,无错打机依然唔够iOS顺,不过咁嘅价钱你仲想要求啲咩?MIUI唔好用?相机唔靓?呢啲你自己谂掂佢喇!

三千蚊顶级配置有冇伏?小米5s Plus蛇叔试后报告

蛇叔
现职香港高登记者,负责试用手机、电脑类及其他数码产品。逢星期五晚仲会主持「蛇叔直播室」节目同大家分享产品意见。

小米5s Plus规格:
网络:GSM、WCDMA、TDD-LTE、FDD-LTE
作业系统:Android 6.0 (MIUI 8)
屏幕:5.7吋SLCD5(1,920 x 1,080像素)
处理器:Qualcomm Snapdragon 821
记忆体:6GB RAM
储存空间:128GB(不支持 microSD卡)
镜头:1,300万像 彩色+黑白(后置)、400万像 F2.0(前置)
电量:3,800mAh
其他功能:Wi-Fi 802.11 a/b/g/n/ac、蓝牙4.2、GPS、NFC、指纹感应
体积:154.6 x 77.7 x 7.95 mm
重量:168g

查询: 小米

定价: $2,999

  猜您喜欢的文章